نصائح من ذهب للخريجين الجدد ولطلبة كلية التجارة
-
لو حضرتك خريج جديد أو لسة هتتخرج من كلية التجارة إن شاء الله علشان تكون مستعد لسوق العمل لازم تكون عارف 3 حاجات أساسية ..
1 - الإكسيل ..
ركز كويس جدا في الإكسيل لأن ده اللي بيفرق المحاسب الشاطر عن المحاسب العادي وممكن يكون سبب قبولك أو رفضك في أي شركة ، وسيبك من اي حد يقولك خد كورس ICDL لانه في الاخر مجرد شهادة مش هتفيدك في أي حاجة وفي أي شركة هتقدم فيها محدش هيبصلها ..
صفحتنا وقناتنا علي اليوتيوب هتساعدك في إحتراف الإكسيل ..
موقعنا ..
قناتنا علي اليوتيوب ..
2 - اللغة الإنجليزية ..
يكفي إنك تعرف المصطلحات المحاسبية فقط مش هتحتاج تاخد كورس انجليزي شامل لمدة 12 مستوي وحاجات كتير ملهاش أي لازمة ..
متبقاش عامل زي واحد عاوز يشتري جبنة رومي من السوبرماركت فيدخل يشتري كل اللي في ثلاجة العرض ، ركز علي الجبنة الرومي بس ..
القاموس المحاسبي الناطق ده هيساعدك انك تتعلم المصطلحات المحاسبية باللغة الإنجليزية وطريقة نطقها كمان ..
تقدر تحمله من اللينك ده ..
3 - المحاسبة المالية ..
دي الحاجة اللي لازم تتعب فيها شوية علشان تقدر توصل للمعلومات اللي تؤهلك لانك تكون محاسب شاطر ويتوافق عليك في اي انترفيو تدخله باذن الله ..
- ارجع ذاكر المحاسبة المالية اللي درستها في سنة أولي جامعة واتعلم ازاي توجه القيود لحساباتها الصحيحة ، وده ملف فيه القيود من البداية للنهاية هيساعدك في عملية التوجيه ..
- تقدر تتابع قناتنا علي اليوتيوب علشان هتبدأ كورس كامل للمحاسبين الجدد ..
- تقدر تحمل أبلكيشن الأندرويد ده من هنا وتسطبه علي تليفونك وهيوصلك معلومات محاسبية جديدة كل يوم بالاضافة الي شرح الفيديو اللي هيوصلك يوميا ..
طريقة تحميل الملفات من علي موقعنا ..
تعليقات
إرسال تعليق